అస్సాం ప్రభుత్వం రాష్ట్రంలోని 31 జిల్లాల్లో ఉన్న 1281 మదర్సాలను సాధారణ పాఠశాలలుగా మార్చడంలో సాహసోపేతమైన చర్య తీసుకుంది. ఇక్కడ విద్యార్థులు ఇప్పుడు జాతీయ స్థాయిలో గుర్తింపు పొందిన అన్ని సాంప్రదాయ విషయాలను అధ్యయనం చేస్తారు. ఇక నుండి ఆ మదర్సాలు మిడిల్ ఇంగ్లీషు (ME) పాఠశాలలుగా పిలువబడతాయి. ఇవి సంబంధిత ప్రభుత్వ సంస్థలు సూచించిన విద్యా పాఠ్యాంశాలను అనుసరిస్తాయి. అయితే, పేర్లను మార్చిన తర్వాత కూడా విద్యార్థులు, ఉపాధ్యాయులు వారే ఉంటారు.
స్టేట్ డైరెక్టరేట్ ఆఫ్ ఎలిమెంటరీ ఎడ్యుకేషన్ ఒక ఉత్తర్వుతో ఆ నియంత్రిత విద్యా సంస్థలు ఇకపై మతపరమైన (అరబిక్) సబ్జెక్టులను అనుసరించవని పేర్కొంది. బదులుగా విద్యార్థులు ఇంగ్లీష్, జనరల్ సైన్స్, సోషల్ స్టడీస్, గణితం, కంప్యూటర్ అప్లికేషన్లు పాఠాల‌ను అభ్య‌సిస్తారు.
ఈ ఇన్‌స్టిట్యూట్‌లు చాలా వరకు దక్షిణ శాల్మారా-మంకాచార్, నాగావ్, మారిగావ్, ధుబ్రి, బార్‌పేట, కరీం‌గంజ్, కాచర్, హోజాయ్, హైలకండి, గోల్‌పరా, నల్‌బారి జిల్లాల్లో ఉన్నాయి. అదే విధంగా, బజలి, బిస్వనాథ్, బొంగైగావ్, దర్రాంగ్, గోలాఘాట్, హైలాకండి, జోర్హాట్, కమ్రూప్, లఖింపూర్, సోనిత్‌పూర్ జిల్లాలోని కొన్ని ప్రభుత్వ ఆధ్వర్యంలో నడిచే మదర్సాలు ప్రభుత్వ నిర్ణ‌యానికి మద్దతునిస్తున్నాయి.
అన్ని ప్రభుత్వ-సహాయక మదర్సాలను సాధారణ పాఠశాలలుగా మార్చే లక్ష్యంతో రాష్ట్ర ప్రభుత్వం జనవరి 2021లో అసెంబ్లీలో చట్టాన్ని ఆమోదించింది. ముస్లిం విద్యార్థులు సాధారణ సబ్జెక్టులను చదవాల‌ని, తద్వారా వారు తమను తాము వైద్యులు, ఇంజనీర్లు, ఇతర నిపుణుల‌తో పాటు అభివృద్ధి చెందుతార‌ని, మతపరమైన చదువుల కోసం ప్రజాధనాన్ని ఉపయోగించరాదని రాష్ట్ర ముఖ్యమంత్రి హిమంత బిస్వా శర్మ అభిప్రాయపడ్డారు. అదే తర్కంతో, ప్రభుత్వం అన్ని సంస్కృత పాఠ‌శాల‌ల‌ను కూడా సాధారణ విద్యా సంస్థలుగా మార్చింది.
రాష్ట్ర ఉన్నత విద్యాశాఖ అధికారులు ఇప్పటికే సంబంధిత మదర్సాలను ఉన్నత స్థాయి పాఠశాలలుగా మార్చారు. దిస్పూర్‌లోని అన్ని ప్రభుత్వ మద్దతు ఉన్న మదర్సాలను మూసివేయడానికి ప్రారంభించింది. తదనంతరం రెండు మదర్సా సంబంధిత చట్టాలను (1995 & 2018లో ఆమోదించబడింది) తొలగించడానికి చట్టాలను రూపొందించడం ద్వారా వాటిని సాధారణ పాఠశాలలుగా మార్చింది.
అయితే గతంలో రాష్ట్ర మదర్సా ఎడ్యుకేషన్ బోర్డుకు అనుబంధంగా ఉన్న ప్రైవేట్ మదర్సాలకు అస్సాం మద్దతు కొనసాగిస్తుంది. సాధారణంగా ప్రజా విరాళాల సహాయంతో నడిచే ఆ సంస్థలు ఇస్లామిక్ బోధనను మాత్రమే అందిస్తాయి. చిన్న మదర్సాలు సమీపంలోని పెద్ద మదర్సాలతో విలీనం చేయబడ్డాయి. ప్రైవేట్‌గా నడిచే మదర్సాలు కూడా నైపుణ్యాభివృద్ధితో పాటు సవరించిన కోర్సులను అనుసరించవలసి ఉంటుంది.
