మతం పేరిట చెంచులను భయభ్రాంతులకు గురిచేసిన చర్చి పాస్టర్లపై ఫిర్యాదు

తమ గ్రామంలో క్రైస్తవ ప్రచారం సాగించేందుకు అంగీకరించని కారణంతో చెంచులను భయబ్రాంతులకు గురిచేసి, బెదిరించిన పాస్టర్లపై ఫిర్యాదు  దాఖలైంది. ప్రకాశం జిల్లా దోర్నాల మండలం బలిజేపల్లిగూడెం గ్రామంలోని చెంచు కాలనీ వాసులందరూ హిందూ సంప్రదాయాలు పాటిస్తూ జీవిస్తున్నారు. ఇటీవల కొందరు చర్చి పాస్టర్లు క్రైస్తవ మతమార్పిడి చేసేందుకు చెంచు కాలనీకి రావడంతో అక్క‌డి చెంచు తెగ‌కు చెందిన గిరిజ‌నులు పాస్టర్లను త‌మ సంప్రదాయ పద్దతిలో ఆహ్వానించి, కుంకుమ బొట్టు పెట్టి, మరో సారి తమ సంస్కృతీ సాంప్రదాయాలను హరించే ఇలాంటి పనులు చేసేందుకు రావద్దు అని సున్నితంగా హెచ్చరించి పంపివేశారు. ఈ ఘటన జులై 28న జరగ్గా, ఆ ఘటన తాలూకు వీడియో సోషల్ మీడియాలో వైరల్ అయ్యింది.

పాస్ట‌ర్ల‌కు స‌రైన బుద్ధి చెప్పిన చెంచు తెగ గిరిజనుల తీరు పట్ల దేశవ్యాప్తంగా అభినందనలు వెల్లువెత్తాయి. ఎస్సీ ఎస్టీ రైట్స్ ఫోరమ్ దీనిపై హ‌ర్షం వ్య‌క్తం చేసింది. అయితే ఈ ఘ‌ట‌నను జీర్ణించుకోలేని కొందరు పాస్టర్లు ఆగస్టు 4వ తేదీన విజయవాడ, తూర్పుగోదావరి పరిసర ప్రాంతాల నుండి పెద్దఎత్తున అదే కాలనీకి రావడం, చెంచులకు బెదిరింపులు జారీ చేయడం, ఎవరి అనుమతి లేకుండా అక్కడి వారికి క్రైస్తవ గీతాలు పాడి వినిపించడం వంటి చర్యలకు పాల్పడ్డారు.  ఈ చర్యలతో పాటు “యేసును నమ్ముకున్నాం లేదంటే ఇక్కడ ఎవరూ మిగలరు” అంటూ చేసిన తీవ్ర హెచ్చరిక తాలూకు వీడియోను సీజీటీఐ మినిస్ట్రీస్ అనే క్రైస్తవ సంస్థ తమ యూట్యూబ్ లో పోస్ట్ చేసింది.

Filed petition with National Scheduled Tribes Commission @ncsthq against Christian evangelists made repeat visit to forest dwelling Chenchu tribal settlement, gave out veiled threat. They provocatively sing songs, conduct prayers. (1/2) pic.twitter.com/wIUemxKpym

— SC ST RIGHTS FORUM (@SCSTForum) August 10, 2021