వినుర భారతీయ వీర చరిత

వాసుదేవ బలవంత్ ఫడ్కే

రామొషి యను పేర రణవీరుల నిలిపి
వాసుదేవ ఫడకె వాసికెక్కె
తెగువ తోడ చెలగె తెల్లదొరలపైన
వినుర భారతీయ వీర చరిత

భావము: 

1876లో మహారాష్ట్రలో భయంకరమైన కరువు తాండవించినపుడు, ఆంగ్లేయులు ఉన్న పంటనంతటినీ ఎత్తుకుపోతే. వారిపై తిరుగుబాటు చేయడానికి ‘రామొషి’ అనే సైన్యాన్ని ఏర్పాటు చేసి, ఆంగ్లేయ వ్యాపారులను దోచి రైతులకు పంచారు స్వరాజ్య సమరయోధుడు వాసుదేవ్ బలవంత్ ఫడ్కే. ఆంగ్లేయులు వారి తలకు 5వేల రివార్డు ప్రకటిస్తే, ప్రతిగా ఆంగ్లేయుల తలకు 10వేలను ఫడ్కే ప్రకటించాడు. భారతీయులపై దుశ్చర్యలకు పాల్పడుతున్న తెల్ల దొరలను అత్యంత ధైర్య సాహసాలతో వాసుదేవ్ బలవంత్ ఫడ్కే ఎదుర్కొన్నారు. అంతటి వీరుని చరిత విను ఓ భారతీయుడా!

– రాంనరేష్