హిందూ వ్యతిరేకతను చాటేలా ఐఐటీ బాంబేలోని హుమానిటీస్ అండ్ సోషల్ సైన్సెస్ (హెచ్ఎస్ఎస్) విభాగం నిర్వహించిన పీహెచ్‌డీ ప్రవేశపరీక్ష వివాదాస్పదంగా మారింది. ఈ విభాగంలోని హిందూ వ్యతిరేక ప్రొఫెసర్లు మే 7, 2024వ తేదీన నిర్వహించిన ప్రవేశపరీక్ష ప్రశ్నాపత్రంలో హిందుత్వను అవమానిస్తూ హైందవానికి “పెత్తందారీ, ఆధిపత్య” తత్వాలను ఆపాదించారు. What does Antonio Gramsci mean by hegemony? Is Hindutva, hegemony or counter-hegemony? Discuss… అంటూ ఆ ప్రశ్నాత్రంలోని సెక్షన్ 2లో 4వ ప్రశ్నగా దీనిని ఇచ్చారు.
విద్యార్ధుల భావజాలాన్ని అంచనా వేసేలా రూపొందించిన ఈ ప్రశ్నతో ఈ పరీక్షా ప్రక్రియలోని నిష్పాక్షికత ప్రశ్నార్థకంలో పడింది. అంతే కాకుండా సదరు హిందూ వ్యతిరేక ప్రొఫెసర్ల ఆలోచనా సరళికి అనుగుణంగా జవాబు రాయని విద్యార్థులు ఎంపిక కాకుండా ఏరివేసేలా దీన్ని తయారు చేశారనే విమర్శలు తీవ్రస్థాయిలో వినిపిస్తున్నాయి.
Anti-Hindu Professors of Sociology from @iitbombay Department of Humanities and Social Sciences openly insults Hinduism by labeling it a "Hegemony"
The question in Ph.D Entrance Exam in Sociology dated May 7, 2024 was reportedly designed intentionally to identify candidates'… pic.twitter.com/ynaswzGghc
— Organiser Weekly (@eOrganiser) May 14, 2024
ఇది ఇక్కడితో ఆగలేదు. కులము మరియు మతపరమైన హింసకు సంబంధించిన Comment on the similarities between caste violence and communal violence… అని ఇంకో ప్రశ్నను కూడా ఇదే ప్రశ్నాపత్రంలో చేర్చారు. ఈ ప్రశ్నతో ఈ పరిక్షా ప్రక్రియను వివాదాస్పదం చేశారు. ఇలాంటి ప్రశ్నలతో సోషియాలజీ ప్రశ్నాపత్రాన్ని రూపొందించిన వారిని బాధ్యులను చేస్తూ చర్యలు తీసుకోవాలని డిమాండ్లు మొదలయ్యాయి. ఈ అంశంపై లోతైన విచారణ చేయించి, సంబంధిత వ్యక్తులకు తగిన శిక్ష విధించాలని ఐఐటీ బాంబే యంత్రాంగానికి పెద్ద ఎత్తున విజ్ఞప్తులు అందుతున్నాయి.
హెచ్ఎస్ఎస్ విద్యార్థులు ఈ ప్రశాపత్రం తయారీ, పరీక్ష నిర్వహణ తీరుపై తీవ్ర నిరసన వ్యక్తం చేస్తున్నారు. ఈ విభాగంలో పెరుగుతున్న హిందూ వ్యతిరేక, జాతీయవాద వ్యతిరేక ధోరణులు ఆందోళన కలిగిస్తున్నాయని పేర్కొన్నారు. అంతేగాక ఇదే కోణంలో అతివాద భావజాలం కలిగిన ఉపన్యాసకులను పిలిపించి ప్రసంగాలు చేయిస్తూ విద్యాసంస్థలోని సుహృద్భావ వాతావరణానికి భంగం కలిగిస్తున్నారని ఆవేదన వ్యక్తం చేస్తున్నారు.
ఈ పరిణామం ప్రతిష్ఠాత్మక ఐఐటీ-బాంబే విద్యాసంస్థ సమగ్రత, విద్యాసంస్థల నిర్వహణలో నిష్పాక్షికతపై వాడివేడి చర్చను రేకెత్తించింది. దీనిపై సంస్థ యంత్రాంగం ఎలా స్పందిస్తుందో… మున్ముందు నిర్వహించే పరీక్షల్లో ఇటువంటి సమస్యలు తలెత్తకుండా ఏం చర్యలు తీసుకుంటుందో చూడాల్సి ఉంది.
