తమిళనాడులోని తిరువణ్ణామలైలో కొండపై ఉన్న అటవీ భూమిని క్యాథలిక్ చర్చి ఆక్రమించిన ఉదంతం ఇటీవల తెరపైకి వచ్చింది. ప్రభుత్వానికి చెందిన 5 ఎకరాల భూమిని చర్చి ఆక్రమించింది. తాజాగా ఈ విషయాన్ని గుర్తించిన తిరువణ్ణామలై జిల్లా కలెక్టర్ ఆక్రమణలను తొలగించాలని సంబంధిత అధికారుల‌కు ఆదేశించారు.
అడవుల పెంపకంలో భాగంగా మొక్కలు నాటేందుకు జిల్లా కలెక్టర్ కొండకు వెళ్లగా కొండపై 5 ఎకరాల భూమి చదును చేసి నిర్మాణ పనులు జరుగుతున్నట్లు గుర్తించారు. 1961లో కొండ దిగువన ఉన్న ఇళయాంకన్ని గ్రామానికి చెందిన కొంతమంది చర్చి ఆదేశం మేరకు కొండ పైభాగంలో శిలువను స్థాపించార‌ని, ఆ తరువాత 1982లో పూర్తిస్థాయి చర్చిగా మారిన‌ట్టు గ్రామ‌స్తులు చెబుతున్నారు.
ఆ తర్వాత నిర్మాణ కార్యకలాపాలు చర్చికి సులువుగా అందుబాటులో ఉండేలా కొనసాగాయి. 2014లో కొండపై కొంత భాగాన్ని డ్రిల్ చేసి, రోడ్డు వేయడానికి చదును చేశారు. ఎగువన 5 ఎకరాల స్థలాన్ని చదును చేసి పార్కింగ్ స్థలాన్ని కూడా నిర్మించారు. మూడు నెలల క్రితం డీఎంకే ఎమ్మెల్యే ముఖ్య అతిథిగా హాజరై తారు రోడ్డు నిర్మాణానికి శంకుస్థాపన చేశారనే ఆరోప‌ణ‌లు కూడా ఉన్నాయి.
కొండను ఆక్రమించుకోవడానికి జరిగిన కఠోర ప్రయత్నాన్ని చూసి విస్మ‌యానికి గురైన కలెక్టర్ దానిపై విచారణకు ఆదేశించినట్లు తెలుస్తోంది. చర్చి ఆక్రమణకు గురైన స్థలం ప్రభుత్వానికి చెందిన‌ద‌ని దానిని ఎవరికీ బదలాయించలేదని రెవెన్యూ, పంచాయతీ అధికారులు గుర్తించారు. అదే విధంగా కొత్తగా ఏర్పడిన జిల్లా కళ్లకురిచ్చి పరిధిలోని గ్రామమైన సవేరియార్‌పాళయంలోని మరో కొండ కూడా ఆక్రమణకు గురైంది. సంబంధిత చర్చి ALC కార్మెల్ చర్చి వెల్లూర్ రోమన్ కాథలిక్ డియోసెస్ కింద పనిచేస్తుంది.
జిల్లాలో అక్రమ చర్చిలు, ప్రార్థనా మందిరాలు పుట్టగొడుగుల్లా పుట్టుకొస్తున్నాయని. వాటిని పరిశీలించి ఆక్రమణలను తొగ‌లించాలిని హిందూ మున్నాని స‌భ్యులు జిల్లా కలెక్టర్‌కు వినతిపత్రం ఇచ్చారు. మిషనరీలు వైద్య సహాయం అందిస్తామనే సాకుతో వ్యాధిగ్రస్తులను లక్ష్యంగా చేసుకుని మ‌త మార్పిళ్ల‌కు పాల్ప‌డుతున్నార‌ని, మిషనరీలు ఇళ్లు నిర్మాణం కోసం అనుమతి పొంది ప్రార్థనా మందిరాలను నిర్మించి, చిన్న చిన్న కొండలను ఆక్రమించి, మతపరమైన గుర్తుల‌ను కొండ‌ల‌పై స్థాపించి వాటిని ప్రార్థనా మందిరాలుగా మార్చిన‌టువంటి కొన్ని ఉదాహరణలను పిటిషన్‌లో పేర్కొన్నారు. చర్చి మినహా కొండపై ఉన్న ఆక్రమణలను తొలగించాలని తిరువణ్ణామలై జిల్లా కలెక్టర్ నోటీసులు జారీ చేశారు. చర్చిపై చర్యలు తీసుకోకుండా గ్రామస్తులను రక్షణ కవచంగా వాడుకుంటున్నారని హిందూ మున్నాని స‌భ్యులు ఆరోపించారు.
చర్చిలు కొండ ప్రాంతాల‌ను ఆక్రమించడం ఇదే మొదటిసారి కాదు. చెన్నైకి ద‌గ్గ‌ర్లో ఉన్న అచ్చరపాక్కంలోని కొండను ఆక్రమించిన మలై మజ్హై మాత అనే చర్చిపై మద్రాసు హైకోర్టు ఆదేశాలు జారీ చేసిన తర్వాత కూడా సరైన సర్వే జరగలేదు. కాథలిక్ చర్చి మొత్తం కొండను ఆక్రమించి, ఎగువన ఉన్న సహస్రాబ్దాల పురాతనమైన పశుపతీశ్వర దేవాలయానికి కూడా వెళ్ల‌లేని విధంగా ఆక్రమించింది. రోడ్లు వేయడానికి, కొండపై “ఏవ్ మారియా” అని రాసేందుకు పచ్చదనాన్ని పూర్తిగా ధ్వంసం చేశారు.
ఈ కొండలో చారిత్రిక ప్రాముఖ్యత కలిగిన పురావస్తు గుట్టలు కూడా ఉన్నాయని చెబుతారు. అయినప్పటికీ ఏ శాఖ నుండి సరైన అనుమతి పొందకుండానే చర్చి భూమిని దోచుకునే సాహసం చేసింది. హిందూ సంస్థలు చర్చిపై ప్ర‌జాప్ర‌యోజ‌న వాజ్యాన్ని దాఖలు చేశాయి. వాస్తవాలను నిర్ధారించడానికి ఆస్తిని సర్వే చేయాల‌ని ప్ర‌భుత్వాన్ని కోర్టు ఆదేశించింది.
అయినా ఇప్ప‌టి వ‌ర‌కు ఎలాంటి చర్యలు తీసుకోలేదు. ప్రభుత్వ అధికారులు తరచూ మిషనరీలకు అనుకూలంగా పనిచేస్తారనే వాస్తవాన్ని పరిగణనలోకి తీసుకోవడంలో ఆశ్చర్యం లేదు. ఇటీవల మద్రాసు హైకోర్టు స్లామ్డ్ ప్రజలు చర్చితో సమస్య మాట్లాడుతూ ప్రభుత్వ భూమిని ఆక్రమిస్తున్న ఒక పాస్టర్ పట్ల ఒక తహసిల్దార్ రెవెన్యూ అధికారి పక్షపాతంతో వ్యవహరిస్తున్నార‌ని గ్రామ‌స్తులు ఆరోపించారు. ఇప్ప‌టికైనా సంబంధిత అధికారులు స్పందించి హైకోర్టు ఆదేశాల ప్ర‌కారం ఆక్రమణలను తొలగించాలని డిమాండ్ చేస్తున్నారు.
Source : ORGANISER
అనువాదం: బూదార‌పు పృథ్వీరాజ్‌
