శ్రీ రామ జన్మభూమి భవ్య మందిర నిర్మాణ పురోగతి వివరణ

అయోధ్య శ్రీరామ జన్మ భూమిలోని భవ్య మందిర నిర్మాణ ప‌నులు 15 మార్చి 2022 నాటికి 30 శాతం పూర్తయ్యాయి, ఆ వివరాలు…

1. భూమి పూజ 5ఆగస్టు 2020 న జరిగింది.
ఇప్పటికే (10 మార్చి 2022) ఆలయ పునాది నిర్మాణం పూర్తయింది, దీనితో ఆలయ నిర్మాణం మొదటి దశ పూర్తయిందని చెప్పవచ్చు. ఈ పనిని పూర్తి చేయడానికి దాదాపు 18 నెలల సమయం పట్టింది. మొదట్లో 6 నెలలపాటు పరస్పర చర్చలు, పరిశోధనలు జరిగాయి. తుది నిర్ణయం తీసుకున్న తర్వాత, పనులు పూర్తి చేయడానికి దాదాపు ఒక సంవత్సరం సమయం పట్టింది.

ఈ పనిని నెరవేర్చడానికి, IIT- ఢిల్లీ ఐఐటీ మాజీ డైరెక్టర్, IIT- గౌహతి ప్రస్తుత డైరెక్టర్, NIT-సూరత్ ప్రస్తుత డైరెక్టర్, C.B.R. I రూర్కీ ప్రస్తుత డైరెక్టర్ మరియు అతని బృందం, లార్సన్ టౌబ్రో(L&T) మరియు టాటా ఇంజనీర్స్, IIT-ఢిల్లీ, IIT-చెన్నై, IIT-ముంబైకి చెందిన సివిల్ ఇంజనీరింగ్ ప్రొఫెసర్లు, హైదరాబాద్‌లోని ఇండియన్ జియోఫిజికల్ రీసెర్చ్ ఇనిస్టిట్యూట్(NGRI) శాస్త్రవేత్తలు కలిసికట్టుగా, సంయుక్తంగా ఈ పనిలో నిమగ్నమయ్యారు.

2. పునాది కోసం తొవ్వినప్పుడు దిగువన మట్టి లేదు, కానీ నది ఇసుక మాత్రమే వుంది, ఇది బలమైన పునాదికి తగినదిగా పరిగణించబడలేదు, కాబట్టి మొత్తం ఇసుక తొలగించబడింది.
దాదాపు 6 ఎకరాల విస్తీర్ణంలో ఉన్న భూమిలో గర్భగుడి నిర్మాణ స్థలంలో(100’×100′) సుమారు 14 మీటర్ల లోతు వరకు మరియు మిగిలిన మందిర నిర్మాణం చేసే భూమిలో(500’×400′) 12 మీటర్ల లోతు వరకు మొత్తం 1,85,000 క్యూ. మీటర్ల ఇసుకను తొలగించారు, ఇది పెద్ద సముద్రం లాంటి దృశ్యాన్ని తలపించింది..

3. ఈ భారీ పునాది గుంతను పూడ్చేందుకు ఐఐటీ – మద్రాస్ ప్రత్యేక రకమైన కాంక్రీట్ మిశ్రమాన్ని సూచించింది. (సిమెంట్, బ్యాలస్ట్,స్టోన్ పౌడర్, బూడిదల రసాయన మిశ్రమం). ఈ మిశ్రమంతో 12-అంగుళాల మందపాటి పొర వేయబడింది, ఈ పొరను రహదారి నిర్మాణంలో ఉపయోగించే రోలర్‌తో ఒత్తిడి చేయబడింది, కాంక్రీటు యొక్క పొరను నొక్కడం ద్వారా 10 అంగుళాల వరకు తీసుకురాబడింది, ఆ తర్వాత కాంక్రీటు యొక్క సాంద్రత కొలుస్తారు.

సరైన ఫలితాలు వచ్చిన తర్వాత, ఒక పొరను 5 నుండి 6 రోజులలో పూర్తి చేసి, ఈ విధంగా 48 ఉపరితలాలు ఒకదానిపై ఒకటి వేయబడ్డాయి. గర్భగుడి స్థానంలో 56 పొరలు వేయబడ్డాయి. ఈ మొత్తం పనిలో ఇనుము ఉపయోగించబడలేదు, ఈ పనిని భూమి అభివృద్ధి అని పిలుస్తారు. భూమి కింద 14 మీటర్ల మందం ఉన్న మానవ నిర్మిత శిల వేయబడింది అని చెప్పవచ్చు. దీనిని RCC- రోలర్ కాంపాక్ట్ కాంక్రీట్ అంటారు.

4. ల్యాండ్ డెవలప్‌మెంట్ పని పూర్తయిన తర్వాత, గర్భగుడి చుట్టూ (ఆలయం నిర్మించబడే ప్రాంతం) చుట్టూ మాత్రమే 1.5 మీటర్ల మందంతో శక్తివంతమైన రాతి వేయబడింది, దానిని రాఫ్ట్ అంటారు.

5. RCC – రోలర్ కుదించబడిన కాంక్రీటు మరియు రాఫ్ట్ కలిసి పునాది అవుతుంది, ఇది సిద్ధం చేయడానికి 18 నెలలు పట్టింది. అంటే 2022 జనవరిలో ఆలయ నిర్మాణం మొదటి దశ పూర్తయింది.

6. ఇప్పుడు రాఫ్ట్ పైన నేల/కుర్చీ/ప్లింత్ పెంచే పని మొదలైంది, గ్రానైట్ రాళ్లతో ఈ పని చేస్తున్నారు. 5 అడుగుల పొడవు, 3 అడుగుల వెడల్పు, 2.5 అడుగుల మందంతో గ్రానైట్ దిమ్మెలను ఒకదానిపై మరొకటి వేస్తారు, ఇందుకు దాదాపు 17000 దిమ్మెలను పేర్చుతారు. దీనివల్ల 21 అడుగుల ఎత్తులో ఉన్న ప్లింత్ సిద్ధమవుతుంది, ఈ పని కూడా వచ్చే 6 నెలలలోగా పూర్తి అవుతుందని భావిస్తున్నారు. ఈ పనులు పూర్తైతే ఆలయ నిర్మాణం రెండో దశ పూర్తవుతుంది.

7. ప్లింత్ తయారైన తరువాత, మందిరం కోసం చెక్కిన రాళ్లను కలిపే పని ప్రారంభమవుతుంది.

8. నేల కోతను నివారించడానికి మరియు సరయూ నదిలో వచ్చే వరద యొక్క దాడిని నివారించడానికి, ఆలయానికి పశ్చిమ దిశలో చాలా లోతు వరకు రక్షణ గోడ (రిటైనింగ్ వాల్) నిర్మాణ పనులు కూడా ప్రారంభమయ్యాయి. ఈ రక్షణ గోడ కూడా దాదాపు 12 మీటర్ల వెడల్పుతో మరియు భూమి ఉపరితలం నుండి 12 మీటర్ల లోతులో ఉంటుంది. ఇందులో ఇనుప కడ్డీలు ఉపయోగించుతారు, ఈ పనులన్నీ ఏకకాలంలో జరుగుతున్నాయి.

9. ఆలయంలో (రాజస్థాన్‌లోని భరత్‌పూర్ జిల్లాలోని బన్షీ పహర్‌పూర్ ప్రాంతం) ఏర్పాటు చేయబోయే రాయి మరియు ఆలయ తలుపు ఫ్రేమ్ మరియు నేలమీద పరిచే రాళ్ళు అధిక నాణ్యత గల తెల్లని పాలరాతితో వుంటాయి. వాటిని చెక్కే పనిని సంబంధిత నిపుణులకు అప్పగించారు. మొత్తం చెక్కే పని సమయానికి పూర్తవుతుందనే నమ్మకం ఉంది.

10. సుమారు 8 ఎకరాల విస్తీర్ణంలో ఆలయం చుట్టూ ప్రదక్షిణ మార్గం నిర్మించబడుతుంది. దీనిని జోధ్‌పూర్ రాళ్లతో నిర్మిస్తారు. ఈ రాళ్లు కూడా చెక్కబడతాయి.

11. ఆలయ నిర్మాణం పూర్తి అయ్యే సమయంలోనే యాత్రికుల సౌకర్యాల కోసం కనీస అవసరమైన భవనాలు కూడా సిద్ధం కానున్నాయి, ఈ ఏర్పాట్లు సరైన పద్దతిలో జరుగుతున్నాయి.

12. ఆలయ ప్రాంగణంలో మ్యూజియం నిర్మిస్తారు, దీనికి సంబంధించి ఆలోచనలు జరుగుతున్నాయి, ఇందుకోసం ఒక స్వతంత్ర బృందం ఏర్పాటు చేయబడింది. ఆలయానికి ఈశాన్యం మరియు పడమర వైపు పార్క్ వెలుపల మరియు దాని వెలుపల అగ్నిమాపక మరియు భద్రతా వాహనాల కోసంరాకపోకల రహదారి నిర్మాణానికి కొంత భూమి అవసరం వున్నది. ఇందుకోసం ఇప్పటికే 3 ఎకరాల భూమి కొనుగోలు చేశారు, ఇంకా కొనుగోలు చేస్తారు. మందిర నిర్మాణంతోపాటు యాత్రికుల సౌకర్యాలు, గోశాల,యజ్ఞశాల మొదలైన నిర్మాణాల యోజనకూడ జరిగింది.

13. డిసెంబరు 2023 నాటికి గర్భగుడి, గర్భగుడి ఎదురుగా గృహమండపము మరియు రంగమండపము సిద్ధం చేయడం ద్వారా గర్భగుడిలో భగవాన్ శ్రీరాముడిని ప్రతిష్ఠించాలనే లక్ష్యంతో పని వేగంగా జరుగుతుంది. గ్రౌండ్ ఫ్లోర్‌లోని గర్భగుడిలో రాముడు, లక్ష్మణుడు భరతుడు, శత్రుఘ్నల బాల రూపపు (సుమారు 5′-8′) పెద్ద విగ్రహాలు వుంటాయి. మొదటి అంతస్తులో శ్రీ రామ దర్బార్ ఉంటుంది. మిగిలిన నిర్మాణ పనులు కొనసాగుతాయి, గర్భగుడిలో దేవుడి దర్శనం కూడా ఏకకాలంలో సాగనుంది.

సమర్పకులు
చంపత్ రాయ్
ప్రధాన కార్యదర్శి
శ్రీ రామ తీర్థక్షేత్ర ట్రస్ట్ అయోధ్య

జై శ్రీ రామ్ – జై జై శ్రీ రామ్