నిబంధనలు అతిక్రమించిన క్రైస్తవ సంస్థల విదేశీ విరాళాల సేకరణ లైసెన్సులు రద్దు 

సామాజిక సేవా కార్యక్రమాలు తమ లక్ష్యాలుగా పేర్కొని రిజిస్టస్ట్రేషన్ పొందిన న్యూ లైఫ్ ఫెలోషిప్ సంస్థ, అందుకు విరుద్ధంగా, చట్టవ్యతిరేకంగా  2019 సెప్టెంబర్ 1న ముంబైలో భారీ క్రైస్తవ ప్రార్ధన కూటమి ఏర్పాటు చేసింది. ఆ కూటమికి హాజరైన మహళలు, పిల్లలకు ప్రార్థనలతో రోగాల నయం చేస్తామంటూ కూటమి నిర్వాహకులు వారిపై కొన్ని ప్రయోగాలు చేశారు. డ్రగ్స్ అండ్ మ్యాజిక్ రెమెడీస్ యాక్ట్ 1954 ప్రకారం చట్ట వ్యతిరేక చర్యల ద్వారా మూఢనమ్మకాలు ప్రచారం చేసిన ఈ విషయాన్నీ లీగల్ రైట్స్ ప్రొటెక్షన్ ఫోరమ్ తమ ఫిర్యాదులో పేర్కొంది.

స్వచ్ఛంద సంస్థలు విదేశీయుల నుండి లేదా విదేశీ సంస్థల నుండి ధనం లేదా వస్తూ రూపంలో విరాళాలు సేకరించాలనుకుంటే ఫారిన్ కంట్రిబ్యూషన్ రెగ్యులేషన్ యాక్ట్ ప్రకారం హోంశాఖ నుండి లైసెన్సు పొందాలి. గతంలో మోడీ ప్రభుత్వం ఏర్పడ్డాక అనేక సంస్థలు ఉల్లంఘనకు పాల్పడుతున్న విషయం హోంశాఖ గుర్తించి, వాటి రిజిస్ట్రేషన్లు రద్దు చేసింది. వాటిలో అత్యధిక సంస్థలు క్రైస్తవ మిషనరీలవే కావడం గమనార్హం.

Source: OpIndia, Legal Rights Observatory