- లక్ష మంది భక్తులు రానున‌న్న‌ట్లు అంచనా
- ఏడు నగరాలతో పాటు మహిళలకు ప్రత్యేక నగరం నిర్మాణం
- 50మంది భక్తులకు బస చేసేందుకు ఏర్పాట్లు
జల్గావ్: మహారాష్ట్రలోని జామ్నేర్ తాలూకా గోద్రీలో జ‌న‌వ‌రి 25 నుంచి 30 వరకు జ‌ర‌గ‌నున్న “అఖిల భారత హిందూ గోర్ బంజారా, లబానా నాయకడ సమాజ్ కుంభమేళ” కోసం ఏర్పాట్లు ముమ్మరంగా జ‌రుగుతున్నాయి. ఇక్క‌డ‌కు వచ్చే భక్తుల బస కోసం 500 ఎకరాల విస్తీర్ణంలో ఏడు నగరాలు నిర్మించారు. ఇందులో 50వేల మంది భక్తులు బస చేసేందుకు ఏర్పాట్లు చేయనున్నారు. కుంభమేళాకు వచ్చే 1.5 లక్షల మంది భక్తులకు భోజన ఏర్పాట్లు కూడా చేయనున్నారు. ఇందుకోసం ఏడు పెద్ద వంటశాలలను తయారు చేశారు.
- 12 గంటల భోజన సేవ
గోద్రీలోని కుంభమేళకు వచ్చే భక్తులకు 12 గంటల పాటు ఆహారం అందుబాటులో ఉంచుతారు. కాబట్టి ఆహార త‌యారీ 24 గంటల్లో నడుస్తాయి. ఉదయం నుండి రాత్రి వరకు ఆహార పంపిణీ కొనసాగుతుంది. కుంభస్థలంలోని ప్రధాన సభా ప్రాంగణం ముందు భక్తులకు భోజన ఏర్పాట్లు చేశారు. 1.5 లక్షల మందికి పైగా భక్తులకు అన్నదానం చేసేందుకు ఏర్పాట్లు చేశారు.
• నాలుగు హెలిప్యాడ్‌ల నిర్మాణం
ఆరు రోజుల పాటు జరిగే కుంభోత్సవానికి దేశవ్యాప్తంగా సాధువులు, రాజకీయ నాయకులు, మంత్రులు, విశిష్ట అతిథులు రానున్నారు. వచ్చే ముఖ్య అతిథుల సౌకర్యార్థం నాలుగు హెలిప్యాడ్‌లను నిర్మిస్తున్నారు. దీనితో పాటు గోద్రి గ్రామాన్ని కలుపుతూ తొమ్మిది రోడ్లు కూడా అభివృద్ధి చేశారు.
• మహిళల కోసం ప్రత్యేక నగరం నిర్మాణం
తెలంగాణ, ఆంధ్రప్రదేశ్, మధ్యప్రదేశ్, గుజరాత్, కర్ణాటక, మహారాష్ట్ర రాష్ట్రాల నుంచి పది లక్షల మంది భక్తులు కుంభానికి రానున్నారు. వారి సౌకర్యార్థం ఏడు నగరాలు ఏర్పాటు చేశారు. వీటిలో మహిళలకు ప్రత్యేక నగరం ఉంటుంది. 2500 నుంచి 3000 మంది మహిళలకు వసతి కూడా ఏర్పాటు చేశారు. ఈ నగరంలో మండపాలలో నివాసాలతో పాటు స్నానపు గదులు నిర్మిస్తున్నారు. ఇందులో అత్యాధునిక మరుగుదొడ్లు నిర్మించారు.
• ఆరు మండ‌పాలు, 90 కుటీరాలు
గోద్రీ కుంభ‌మేళ‌లోని 250 ఎకరాల విస్తీర్ణంలో ఆరు పెద్ద మండ‌పాలు, సాధువుల కోసం 90 కుటీరాల నిర్మాణ పనులు కొనసాగుతున్నాయి. కుంభ సభ మండపం ప్రధాన మండ‌పంగా ఉంటుంది. ఇక్కడికి ప్రత్యేక ప్రముఖులు వస్తారని, దృష్టితో ప్ర‌త్యేక‌మైన జర్మన్ హ్యాంగర్ తో నిర్మిస్తున్నారు.
• గురుద్వారా నుండి ప్ర‌సాద విత‌ర‌ణ
గోద్రిలో స్వయం సహాయక బృందాల (మహిళల స్వయం సహాయక సంఘాలు) స్టాల్స్ కోసం స్థలం ఏర్పాటు చేశారు. ఇందులో 200 పొదుపు గ్రూపులు తమ వివిధ ఉత్పత్తులను ప్రదర్శనిస్తాయి. మందిరం వద్ద ఆలయం వెనుక కేంద్ర కార్యాలయం ఉంటుంది. నాందేడ్‌లోని అమృత్‌సర్‌లోని గురుద్వారా ద్వారా భక్తుల కోసం ప్రసాదం విత‌ర‌ణ చేయనున్నారు.
• రెండు వేల మంది పోలీసుల ఏర్పాట్లు
కుంభస్థలంలో భక్తుల రద్దీ దృష్ట్యా రెండు వేల మంది పోలీసులను ఇక్కడ మోహరించారు. అగ్నిమాపక దళం, వైద్య స‌దుపాయాలు, అంబులెన్స్, బస్సు సర్వీసులకు ఏర్పాట్లు చేశారు. అలాగే, మొబైల్ కనెక్టివిటీ కోసం BSNL ద్వారా తాత్కాలిక మొబైల్ టవర్‌ను నిర్మిస్తున్నారు.
